टुरिजम डेभलपमेन्ट बैंक लिमिटेडले शतप्रतिशत अर्थात एक बराबर एकको अनुपातमा हकप्रद सेयर निष्काशन गर्ने भएको छ । हकप्रद निष्काशनको अनुमति माग गर्दै बैंकले नेपाल धितोपत्र बोर्डमा निवेदन दिएको छ । बैंकले माघ ११ गते धितोपत्र बोर्डमा निवेदन दिएको हो ।
गत माघ ६ गते मेगा बैंकसँग मर्जरमा जाने सहमति गरेको बैंकले ९१ लाख ९७ हजार सात सय १२ कित्ता हकप्रद सेयर जारी गर्न लागेको हो । हकप्रद जारी गरेपछि टुरिजम डेभलपमेन्ट बैंकको चुक्तापुँजी एक अर्ब ८३ करोड ९५ लाख ४२ हजार चार सय रुपैयाँ पुग्नेछ । आफैँ चुक्तापुँजी पुर्याउन सक्ने देखिएपनि टुरिजमले मेगा बैंकसँग १००ः९५ को स्वाप रेसियोमा गाभिने सम्झौतापत्रमा हस्ताक्षर गरिसकेको छ । यसबाहेक, टुरिजमले हाल कायम चुक्तापुँजीको १८.६० प्रतिशत बोनस सेयर पनि वितरण गर्दैछ ।
