सिटी अफ लण्डनका Lord Mayor Rt. Hon. Dr. Andrew Parmley को नेतृत्वमा आएको सात सदस्यीय प्रतिनिधिमण्डलले नेपाल राष्ट्र बैंकका गभर्नर डा. चिरंजीबि नेपालसँग शिष्टाचार भेटवार्ता गरेको छ । नेपाल भ्रमण रहेको सो टोलीले मंगलबार गभर्नरको कार्यकक्षमा भेट गरेको हो ।
उक्त अवसरमा नेपालमा लगानीका सम्भावनाहरू बारे छलफल भएको बताइएको छ । सो अवसरमा Dr. Parmley ले DFID द्वारा तयार पारेको Project Finance Summary Report गभर्नर डा. नेपाललाई हस्तान्तरण गरे ।
उक्त प्रतिवेदनका आधारमा बैदेशिक लगानी सम्बन्धी नियमनका प्रावधानहरू आवश्यक परिमार्जनमा सहयोग पुग्ने गभर्नर डा. नेपालको विश्वास छ । गभर्नर डा. नेपालले DFID तथा संयुक्त अघिराज्य सरकारले नेपाललाई प्रदान गरेको विभिन्न बैदेशिक सहयोगको लागि धन्यवाद दिए । सो अवसरमा Dr. Parmley र बेलायतका राजदूत Richard Morris ले नेपालमा लगानी आकर्षक गर्न विभिन्न सहयोग गर्ने प्रतिबद्धता जाहेर गरे ।
