नेपाल एसबिआई बैंक लिमिटेडले आफ्नो २३ औँ वार्षिक साधारणसभा माघ २७ गते गर्ने भएको छ । यसका लागि बैंकले माघ २३ गतेदेखि २७ गतेसम्म सेयरधनीले पुस्तिका बन्द रहने जानकारी दिएको हो ।
बैंकले आफ्ना सेयरधनीलाई २९.५३ प्रतिशत लाभांस दिने प्रस्ताव साधारणसभामा लैजाने भएको छ । बैंकले गत आर्थिक बर्षको मुनाफाबाट बैंकले २८ प्रतिशत वोनस सेयर र कर प्रयोजनका लागि १.५३ प्रतिशत नगद लाभांस दिने प्रस्ताव गरेको थियो । हाल बैकको ३ अर्ब ८८ करोड ३७ लाख रुपैयाँ चुक्तापूँजी रहेको छ । २८ प्रतिशत बोनस सेयर वितरण पश्चात बैंकको पूँजी ४ अर्ब ९७ करोड ११ लाख रुपैयाँको हाराहारीमा पुग्नेछ ।
