बैंकिङ खबर/ नेपाल नेपाल राष्ट्र बैंकका कार्यकारी निर्देशक गुरुप्रसाद पौडेलले विपद् व्यबस्थापनको समयमा डिजिटल सेवालाई केन्द्र विन्दुमा राखेर बैंकिङ सेवा प्रवाह गर्न सबै बैंकवित्तलाई आवहान गरेका छन् ।
उनले बैंकिङ सेवा अत्यावश्क सेवा अन्तरगत पर्ने हुँदा डिजिटल माध्यमलाई उपभोग गर्न पनि आग्रह गरेका छन् । साथै एटीएममा प्रसस्त रकम राखेर व्यबस्थापन गर्न एवं डिजिटल सेवा प्रवाहमा फोकस हुन उनको अनुरोध छ ।
उनले आफ्नो फेसबुकमार्फत भनेका छन् ‘यही असोज १८ देखि २० गतेसम्म भारी वर्षा हुने जल तथा मौसम विज्ञान विभाग को सूचना समेतलाइ मध्यनजर गरी नेपाल सरकारले असोज १९ र २० गते विपद् व्यवस्थापन र अत्यावश्यक सेवा दिने कार्यालय वाहेकमा सार्वजनिक विदा दिने घोषणा गरिसकेको छ । बैंकिङ सेवा अत्यावश्क सेवा अन्तरगत पर्दछ । यो वेलामा भौतिक रूपमा बैंकिंग सेवा लिने भन्दा पनि सुरक्षित डिजिटल बैंकिंग सेवाको उपयोग गर्न अनुरोध छ ।
साथै, बैंक तथा वित्तीय संस्थाले समेत एटीएमको सेवा व्यवस्थापन तथा डिजिटल बैंकिंग सेवा सुचारू हुने व्यवस्था गरी कम भन्दा कम कर्मचारीको उपस्थित गराइ अत्यावश्यक बैंकिंग सेवा सञ्चालन गर्नु हुन अनुरोध छ ।’
