बुटवल पावर कम्पनीको २४औँ साधारणसभा सम्पन्न भएको छ । साधारणसभाले आफ्ना सेयरधनीलाई सात प्रतिशत बोनस सेयर र २० प्रतिशत नगद लाभांश दिने प्रस्ताव पारित गरेको छ । हाल कम्पनीको चुक्ता पूँजी १ अर्ब ६७ करोड रुपैयाँ रहेको छ । बोनस शेयर जारी गरेपछि कम्पनीको चुक्ता पूँजी १ अर्ब ७९ करोड पुग्नेछ ।
धितोपत्र बोर्डले तोकेको शर्त तथा मापदण्ड पुरा गरेर ४० लाख ८१ हजार कित्ता थप नयाँ सेयर निष्काशन (एफपिओ) जारी गर्ने प्रस्ताव पनि साधारणसभाले अनुमोदन गरेको छ । अब, कम्पनीले एफपिओ निष्काशनको प्रक्रिया अघि बढाउनेछ ।
