बैशाखका लागि अधिकांश बैंकहरुको ब्याजदर यथावत

बैंकिङ खबर/ बैशाखका लागि अधिकांश वाणिज्य बैंकहरूले व्यक्तिगत मुद्दती निक्षेपको अधिकतम ब्याजदर चैत महिनाकै निरन्तरता दिएका छन्।

२० वटा वाणिज्य बैंकहरूमध्ये ३ वटा बैंकले व्यक्तिगत निक्षेपको अधिकतम ब्याजदर घटाउँदा १ वटाले बढाएको छ भने १६ वटा बैंकले स्थिर राखेका छन्।

हिमालयन र नेपाल एसबिआई बैंकको ५.५ प्रतिशत, कृषि विकास बैंकको ५.५१ प्रतिशत, सिटिजन्स बैंक इन्टरनेशनलको ५.६५ प्रतिशत, नबिल र लक्ष्मी सनराइज बैंकको ५.७५ प्रतिशत अधिकतम ब्याजदर रहेको छ।

त्यस्तै राष्ट्रिय वाणिज्य, ग्लोबल आइएमई, सिद्धार्थ, माछापुच्छ्रे बैंकको समान ६ प्रतिशत, प्रभु बैंकको ६.१ प्रतिशत, स्ट्याण्र्डर्ड चार्टर्ड र प्राइम कमर्सियल बैंकको ६.२५ प्रतिशत अधिकतम ब्याजदर रहेको छ।

यता नेपाल इन्भेष्टमेन्ट मेघा बैंकको ६.५ प्रतिशत, एनआईसी एशिया एनएमबि बैंकको ६.६ प्रतिशत अधिकतम ब्याजदर तोकेको छ। यी बैंकहरूले अघिल्लो महिनाकै ब्याजरदलाई निरन्तरता दिएका हुन्।

एभरेष्ट बैंकले वैशाख महिनाका लागि ब्याजरद बढाएर ६.६१ प्रतिशत कायम गरेको छ भने सानिमा, कुमारी र नेपाल बैंकले घटाएर क्रमशः ५.९५ प्रतिशत, ५.९२ प्रतिशत र ५.१५ प्रतिशत कायम गरेका छन्। संस्थागततर्फ ११ वटा बैंकले चैतकै ब्याजदरलाई निरन्तरता दिएका छन् भने १ वटा बैंकले बढाउँदा ८ वटा बैंकले घटाएका छन्।

बैंक	माघ	फागुन	चैत	बैशाख
नबिल	५.७५	५.७५	५.७५	५.७५
नेपाल इन्भेष्टमेन्ट मेगा	६.५	६.५	६.५	६.५
माछापुच्छ्रे	६	६	६.५	६.५
हिमालयन	६.२५	६.२५	५.५०	५.५०
नेपाल एसबिआई	५.५	५.५	५.५	५.५
एभरेष्ट	६	६	६	६.६१
एनआईसी एसिया	६.६	६.६	६.६	६.६
स्ट्यान्डर्ड चार्टर्ड	६.२५	६.२५	६.२५	६.२५
लक्ष्मी सनराइज	५.७५	५.७५	५.७५	५.७५
कुमारी	६.०१	६.०१	६.०१	५.९२
सिद्धार्थ	६	६	६	६
सानिमा	६.०५	६.०५	६.०५	५.९५
एनएमबि	६.६	६.६	६.६	६.६
प्रभु	६.१	६.१	६.१	६.१
ग्लोबल आइएमई	५.७५	६	६	६
सिटिजन	५.६५	५.६५	५.६५	५.६५
प्राइम कमर्सियल	६.२५	६.२५	६.२५	६.२५
कृषि विकास	५.५१	५.५१	५.५१	५.५१
नेपाल बैंक	५.६	५.६	५.५	५.१५
राष्ट्रिय वाणिज्य बैंक	६	६	६	६