हाम्रो विकास बैंक लिमिटेडले दुई सय प्रतिशत अर्थात एक बराबर दुईको अनुपातमा हकप्रद सेयर निष्काशन गर्ने भएको छ । बैंक सञ्चालक समितिको मंगलबार बसेको बैठकले सो निर्णय गरेको हो । आगामी पुस २९ गते बस्ने बैंकको आर्ठौँ वार्षिक साधारणसभाले हकप्रद निष्काशनको प्रस्ताव पारित गर्दैछ । साधारणसभा तथा हकप्रद प्रयोजनका लागि बैंकले पुस ८ गतेदेखि २९ गतेसम्म सेयरधनीले पुस्तिका बन्द रहने जनाएको छ ।
हाल हाम्रो विकास बैंकको चुक्ता पुँजी १२ करोड २३ लाख रुपैयाँ छ । हकप्रद जारी गरेपछि बैंकको पुँजी ३६ करोड ६९ लाख रुपैयाँ पुग्नेछ ।
