वाणिज्य बैंकको पीबी रेसियो औसतमा १.७९ गुणा : कुनको कति ?

बैंकिङ खबर/ नेप्सेमा सूचीकृत १९ वाणिज्य बैंकहरूको पीबी रेसियो औसतमा १ दशमलव ७९ गुणा रहेको छ । बैंकहरूमध्ये स्ट्याण्डर्ड चार्टर्ड बैंकको पीबी रेसियो सबैभन्दा बढी ३ दशमलव ३५ गुणा रहेको छ ।

दोस्रोमा एभरेष्ट बैंकको पीबी रेसियो २ दशमलव ७७ गुणा रहेको छ । कम पीबी रेसियो हुनेमा नेपाल बैंकको १ दशमलव ०६ गुणा रहेको छ । यस आधारमा वाणिज्य स्ट्याण्डर्ड चार्टर्ड बैंक बाहेक सबै बैंकको पीबी रेसियो ३ भन्दा तल रहेको छ ।

यो रेशियो ३ भन्दा तल आएको कम्पनीमा लगानी गर्न राम्रो मानिन्छ । यस्ता कम्पनीमा लगानी गर्दा कम जोखिम हुने गर्दछ । कम्पनीको बजार मूल्य सामान्यतया किताबी मूल्य अर्थात् प्रतिशेयर नेटवर्थभन्दा बढी हुने गर्दछ । पिबी अनुपात लगानीकर्ताहरूले सम्भावित लगानीहरूको पहिचान गर्न प्रयोग गर्ने गर्दछन् ।

कम्पनीको खुद सम्पत्तिमा कम्पनीले तिर्नुपर्ने दायित्व घटाएपछि आउने अनुपातलाई प्रतिशेयर नेटवर्थ अथवा किताबी मूल्य भनिन्छ । यदि कम्पनी केही कारणबस डुब्ने अवस्था आएमा आफ्ना लगानीकर्तालाई किताबी मूल्यको आधारमा लगानी फिर्ता गर्ने गरिन्छ ।