यी हुन् सबैभन्दा धेरै र कम ब्याज दिने बैंक

बैंकिङ खबर/  वाणिज्य बैंकहरूले कात्तिक महिनाका लागि ब्याजदर घटाएका छन् । सञ्चालनमा रहेका २० मध्ये बाँकी १० वटा बैंकहरुले ब्याजदर घटाएका छन् । यसपटक कुनै पनि बैंकले ब्याजदर बढाएको पाइएको छैन ।

नयाँ ब्याजदर अनुसार साधारण बचत खातामा एनआईशी एसिया बैंकले सर्वाधिक ३.२७ प्रतिशत ब्याजदर तोकेको छ । अधिकांश बैंकहरुले भने यसलाई ३ प्रतिशतको न्यूनतम विन्दुमा झारेका छन् ।

त्यस्तै, व्यक्तिगत मुद्दती खातामा माछापुच्छ्रे बैंकले तोकेको ६.५ प्रतिशत ब्याजदर नै सर्वाधिक रहेको देखिन्छ । यो खातामा एभरेस्ट र एनआईशी एसिया बैंकले सबैभन्दा कम ४.१५ प्रतिशत ब्याजदर तोकेका छन् ।

त्यस्तै, संस्थागत मुद्दती खातामा माछापुच्छ्रे बैंकले तोकेको ४.७५ प्रतिशत नै सबैभन्दा धेरै देखिएको छ । यस्तो खातामा सबैभन्दा कम एनआईशी एसिया बैंकले ३ प्रतिशत ब्याज तोकेको छ ।