बैंकिङ खबर/ नेपाल राष्ट्र बैंक भुक्तानी प्रणाली विभागले दुई भुक्तानी सेवा प्रदायक संस्थाको बैंक खाता रोक्का गरेको छ । राष्ट्र बैंकले पेवेल नेपाल र सजिलो पे पेमेन्ट सर्भिसेजको बैंक खाता रोक्का गरेको हो । यी संस्थाबाट भैरहेका कारोवारहरु नियामकीय अनुपालना सम्बन्धी छानविनको क्रममा रहेको राष्ट्र बैंकले जनाएको छ ।
यी संस्थाहरुको बैंक तथा वित्तीय संस्थामा रहेका खाताहरु अर्को निर्णय नभएसम्मका लागि रोक्का गरिएको हो । यसबाट ग्राहक महानुभावहरुमा पर्न जाने असुविधालाई सम्बोधन हुने गरी यथाशीघ्र छानविन सम्पन्न गरिने पनि राष्ट्र बैंकले जनाएको छ ।
