लक्ष्मी लघुवित्त वित्तीय संस्था लिमिटेडले आफ्ना सेयरधनीलाई १० प्रतिशत नगद लाभांश दिने भएको छ । कम्पनीको बिहीबार बसेको सञ्चालक समितिको बैठकले उक्त प्रस्ताव अघि सारेको हो । कम्पनीले उक्त अनुपातमा लाभांश दिने सुचना शुक्रबार नेपाल स्टक एक्सचेञ्जलाई जानकारी दिएको हो ।
कम्पनीले शतप्रतिशत अर्थात एक बराबर एकको अनुपातमा हकप्रद सेयर जारी गरेको छ । यो हकप्रद शेयरधनीले समेत पाउने गरी १० प्रतिशतका दरले नगद लाभांश प्राप्त गर्ने कम्पनीले जनाएको छ । हकप्रद शेयरधनीलाई हिसाब नगर्दा भने २० प्रतिशत नगद लाभांश हुने कम्पनीले जानकारी गराएको छ ।
प्रस्तावित लाभांश नियामक नेपाल राष्ट्र बैंकबाट स्विकृत भई कम्पनीको आगामी साधारणसभाले पारित गरेपछि मात्रै सेयरधनीले पाउनेछन् ।
