बैंकिङ खबर/आर्थिक गतिविधिमा आएको केही शिथिलताका कारण बैंकिङ प्रणालीको कर्जा असुली दबाबमा रहेको छ । नेपाल राष्ट्र बैंकका अनुसार जसको कारण निष्क्रिय कर्जा अनुपात केही बढेको छ ।
२०८० फागुनमा बैंक तथा वित्तीय संस्थाको औसत निष्क्रिय कर्जा कुल कर्जाको ३.७३ प्रतिशत पुगेको छ । यद्यपि, २०८० फागुन मसान्तसम्म बैंक तथा वित्तीय संस्थाको खुद तरल सम्पत्ति कुल निक्षेपको २९.४१ प्रतिशत रहेको र कुल पुँजीकोष जोखिम भारित सम्पत्तिको १२.४४ प्रतिशत रहेकाले नेपालको बैंक तथा वित्तीय संस्थाको वित्तीय स्थिति सुदृढ अवस्थामै रहेको छ ।
