भार्गव विकास बैंकले आफ्ना सेयरधनीलाई शतप्रतिशत अर्थात एक बराबर एकको अनुपातमा हकप्रद शेयर निष्काशन गर्ने भएको छ । शेयर निष्काशनका लागि बैंकले नेपाल धितोपत्र बोर्डमा निवेदन दिएको छ ।
बैंकले चुक्तापुँजी वृद्धिका लागि हकप्रद शेयर जारी गर्न लागेको हो । हाल भार्गवको चुक्तापुँजी १२ करोड रुपैयाँ रहेको छ । हकप्रद सेयर निष्काशन गरेपछि बैंकको चुक्तापुँजी २४ करोड रुपैयाँ पुग्नेछ ।
बैंकको शेयर निष्काशन तथा बिक्री प्रबन्धक एनएमबी क्यापिटल लिमिटेड रहेको छ ।
