बैंकिङ खबर/ नेपाल राष्ट्र बैंकले एकै प्रकृतिका कर्जामा ब्याजदर धेरै फरक भएपछि कर्जाकाे ब्याजदरमा केहि कडाइ गरेको छ। राष्ट्र बैंकले एकै प्रकृतिको कर्जामा २ प्रतिशतभन्दा धेरै ब्याजदर फरक पार्न नपाइने व्यवस्था गरेका हो।
“कर्जा तथा सापटको ब्याजदर निर्धारण गर्दा एउटै प्रकृतिका कर्जा तथा सापटको ब्याजदर अन्तर २ प्रतिशत बिन्दुभन्दा बढीले फरक पार्न पाईने छैन ।” राष्ट्र बैंकले बिहीबार जारी गरेको परिपत्रमा भनिएको छ।
त्यसैगरी, असल कर्जाको प्रोभिजनिङ घटाएको छ । यसअघि राष्ट्र बैंकले असल कर्जामा समेत १.३ प्रतिशत प्रोभिजनिङ गर्नुपर्ने व्यवस्था गरेकोमा त्यसलाई संशोधन गर्दै १.२५ प्रतिशत प्रोभिजनिक गरे पुग्ने व्यवस्था गरेको छ।
