बैंकिङ खबर/ नेपाल राष्ट्र बैंकले बैंक तथा वित्तीय संस्थाहरुमा २६ करोड ५८ लाख रुपैयाँ लगानी गर्ने भएको छ। केन्द्रीय बैंकले राष्ट्र बैंकको विभिन्न कोषमा रहेको उक्त रकम मुद्दति निक्षेपका रुपमा बैंक तथा वित्तीय संस्थामा लगानी गर्ने भएको हो।
जसअनुसार वाणिज्य बैंकहरुमा २१ करोड २६ लाख रुपैयाँ, राष्ट्रियस्तरको विकास बैंकमा ३ करोड ९९ लाख रुपैयाँ र राष्ट्रियस्तरका वित्त कम्पनीमा १ करोड ३३ लाख रुपैयाँ लगानी गरिने राष्ट्र बैंकले जनाएको छ।
यसका लागि पुस २० गते राति १२ बजेसम्म बैंक तथा वित्तीय संस्थाले ब्याजदर प्रस्ताव पेस गर्नुपर्नेछ। यस्तो लगानी आउँदो माघ १ गतेदेखि २०८० माघ १ गतेसम्म ३६५ दिनका लागि हुने केन्द्रीय बैंकले जनाएको छ।
