बैंकिङ खबर/ नेपाल राष्ट्र बैंकका कार्यवाहक गभर्नर डा.निलम ढुङ्गाना तिमिल्सनाले अर्थतन्त्रमा ठूलो दबाब रहेको बताउनुभएको छ । एसोशिएसन अफ चार्टर्ड एकाउण्टेन्टस (एक्यान)ले गरेको दीगो आर्थिक विकास विषयमा शुक्रबार गरेको कार्यक्रममा उहाँले विश्वको अर्थतन्त्रमा नै ठूलो दबाब परेको बताउनुभयो ।
नेपाल रास्ट्र बैंककी डेपुटी गभर्नर समेत रहनुभएकी ढुंगानाले अब दीगो विकासका बहस आवश्यक रहेको बताउनुभयो । वर्तमान पुस्तालाई असर नगरी भविष्यको पुस्तालाई सहयोग पुग्ने गरी काम गर्नु दीगो विकास भएको बताउँदै अर्थतन्त्रलाई पनि सोही ढंगलाई सञ्चालन गर्नुपर्ने उहाँको भनाइ छ ।
नेपाल लगायत केही देशहरू अहिले असहज परिस्थितिमा चलिरहेको भन्दै उहाँले कोरोना महामारी र रुस–यूक्रेन युद्धका कारण अर्थतन्त्रमा ठूलो प्रभाव पारेको बताउनुभयो ।
