बैंक तथा वित्तीय संस्थामा तरलता अभाव भएको भन्दै केही सातादेखि तरलता पठाइरहेको राष्ट्र बैंकले बुधबार तरलता खिचेको छ । बुधबार दिउँसो ३ बजे रिभर्स रिपो जारी गर्दै राष्ट्र बैंकले बैंकिङ प्रणालीबाट पाँच अर्ब रुपैयाँ तरलता प्रशोचन गरेको हो । राष्ट्र बैंकले अनलाइन बोलकबोलको माध्यमबाट सात दिने अवधिको रिभर्स रिपो जारी गरेको हो । उक्त रिभर्स रिपो आगामी असोज २६ गते परिपक्व हुनेछ ।
