बैंकिङ खबर/ नेपाल स्टक एक्सचेन्ज नेप्सेले शुक्रबार शेयर कारोबर बन्द गर्ने निर्णय गरेको छ । आइतबार बसेको नेप्से संचालक समितिको बैठकले आगामी असोज महिनादेखि लागु हुने गरि शुक्रबार भईरहेको शेयर कारोबार बन्द गर्ने निर्णय गरेको हो ।
भदौ महिनामा बाँकि रहेका शुक्रबारको दिनमा कारोबार हुने छ । असोज महिना लागेपछि शुक्रबारको कारोबार बन्द हुने नेप्सेका प्रवक्ता मुराहरी पराजुलीले बताउनुभयो ।
सरकारले आइतबार पनि सार्वजनिक विदा दिने निर्णय गरेपछि शेयर बजारमा सोमबारदेखि शुक्रबारसम्म कारोबार हुदै आएको थियो । पछि सरकारले आइतबारको सार्वजनिक विदा बन्द गरेपछि आइतबारदेखि शुक्रबारसम्म नै कारोबार हुन थालेको थियो। तर शुक्रबार भने २ घण्टा मात्र शेयर कारोबार हुने गरेको थियो ।
लगानीकर्ताले शुक्रबार २ घण्टा कारोबार संचालन गर्नुको कुनै अर्थ नरहेको भन्दै शुक्रबारको कारोबार बन्द गर्न माग गर्दै आएका थिए । सोहि अनुसार नेप्सेले शुक्रबारको कारोबार बन्द गर्ने निर्णय गरेको हो ।
यस सँगै अब असोज महिनादेखि सार्वजनिक विदाका दिनमा बाहेक अन्य दिनमा आइतबारदेखि बिहिबारसम्म शेयर कारोबार हुने छ ।
