प्राईम बैंकले जारी गरेको तीन बराबर एक अर्थात ३ः१ को अनुपातमा हकप्रद सेयर आगामी आइतबार बन्द हुदैछ । बैंकले एक अर्ब २३ करोड ५० लाख रुपैयाँ बराबरको १ करोड २३ लाख ५० हजार ८ सय ७४ कित्ता हकप्रद शेयर जारी गरेको हो । श्रावण १८ गते सम्म कायम बैंकका शेयरधनीले हकप्रदका असोज १६ गतेसम्म आवेदन गर्न सक्नेछन् । बैंकको शेयर निष्काशन तथा बिक्री प्रबन्धकमा सिभिल क्यापिटल रहेको छ । लगानीकर्ताले सिभिल क्यापिटल र बैंकका सबै शाखाहरु मर्फत आवेदन दिन पाउनेछन् । हाल बैंकको चुक्ता पूँजी ३ अर्ब ७० करोड रुपैयाँ रहेको छ । हकप्रद पश्चात बैंकको चुक्तापूँजी चार अर्ब ९४ करोड पुग्नेछ । बैंकको जगेडाकोषमा १ अर्ब ७५ करोड रुपैयाँ रहेको छ ।
गत आर्थिक वर्षमा १ अर्ब १२ करोड ८२ लाख रुपैयाँ खुद नाफा आर्जन गरेको छ । उक्त मुनाफाबाट १८ प्रतिशत बोनश दिएको बैंक हकप्रद पश्चात गत आवको नाफाबाट २० प्रतिशत बोनस शेयर बाड्ने योजनामा छ । भने उसले ८ अर्ब चुक्ता पूँजी पुर्याउने योजना अनुासार बिराटलक्ष्मी र काभ्रेको कन्ट्री डेभ्लपमेन्ट बैंकलाई किन्ने सम्झौता गरिसकेको छ ।
