सिद्धार्थ डेभलपमेन्ट बैंकले आफ्ना सेयरधनीलाई २४ प्रतिशत वोनस सेयर दिने भएको छ । विगत तीन वर्षदेखि लाभांश सिदन नसकेको बैंकले गत वर्षको नाफाबाट भने वोनस सेयर दिने निर्णय गरेको हो । बैंकले प्रस्ताव गरेको लाभांस राष्ट्र बैंकले स्वीकृत गरेपछि मात्रै लगानीकर्ताले पाउनेछन् ।
हाल बैंकको चुक्तापुँजी एक अर्ब १४ करोड रुपैयाँ छ । बैंकले गत आर्थिक बर्ष ३३ करोड १३ लाख रुपैयाँ नाफा गरेको थियो । बैंकको जगेडा कोषमा ५३ करोड ४५ लाख रुपैयाँ छ । २४ प्रतिशत वोनस सेयरपछि पुँजी एक अर्ब ४१ करोड रुपैयाँ पुग्ने छ ।
