नेपाल बैंकले फेरि पनि नागरिक लगानी कोषको दुई लाख कित्ता संस्थापक सेयर विक्रि गर्ने भएको छ । बैंकले आफ्नो बित्तीय अबस्था सुधार गर्न उक्त सेयर विक्रि गर्न लागेको हो । केही समयअघि मात्रै बैंकले लगानी कोषको झण्डै चार लाख कित्ता संस्थापक सेयर बिक्रीमा राखेको थियो । जसमध्ये ६० हजार कित्ता बिक्री हुन बाँकी रहेको थियो । सोही सेयरमा एक लाख ४० हजार कित्ता सेयर थप गरेर विक्रि गर्न लागेको बैंकले जनाएको ।
नेपाल बैंकले फेरि प्रति कित्ता तीन हजार पाँच सयको दरमा दुई लाख कित्ता बिक्री गरेर कम्तिमा ७० करोड रुपैयाँ आम्दानी गर्ने लक्षय लिएको छ । यसअघि सोही मूल्यमा लिलाम गरेर सेयरबाट एक अर्ब १९ करोड रुपैयाँ आम्दानी गरेको थियो । नेप्सेमा केही दिन अघि सेयर किनबेचको कारोबार भएर त्यसको नामसारी र राफसाफ समेत भईसकेको छ ।
