त्रिवेणी विकास बैंकले ११ हजार तीन सय १८ कित्ता साधारण सेयर (आईपीओ) बोलकबोल (लिलामी)मा बिक्री गर्ने भएको छ । बैंकले जफत गरेको सर्वसाधारण तर्फको सेयर लिलाम बढाबढका आधारमा बिक्री गर्न लागेको हो ।
लिलाम बढाबढका आधारमा त्रिवेणीको सेयर किन्न चाहने असोज २८ गते दिउँसो १ बजेभित्र बिक्री प्रबन्धक एस क्यापिटल लिमिटेडमा दर्ता गराइसक्नुपर्नेछ । लिलामीको टेन्डर असोज ३० गते दिउँसो ४ बजे एस क्यापिटलकै कार्यालय लालदरबार काठमाडौंमा खोलिने बताइएको छ ।
लगानीकर्ताले न्यूनतम एक सय कित्ता सेयरका लागि आवेदन दिन पाउनेछन् । अधिकतममा भने सीमा तोकिएको छैन । तर राष्ट्र बैंकले एक व्यक्ति वा फर्मका लागि तोकेको सीमाभन्दा माथि जान भने पाइनेछैन् ।
