सिटिजन्स बैंकले प्रस्ताव गरेको बोनस सेयर नेपाल राष्ट्र बैंकले स्वीकृत गरेको छ । बैंकले गत आर्थिक वर्षको मुनाफाबाट लगानीकर्तालाई करिब १६ प्रतिशत बोनस सेयर दिन लागेको हो । बैंकका लगानीकर्ताले चुक्ता पुँजीको आधारमा ७५ करोड ६ लाख ७५ हजार सात सय ६२ रूपैयाँको बोनस सेयरका साथै कर प्रयोजनका लागि तीन करोड ९५ लाख नौ हजार दुई सय ५१ रूपैयाँ नगद लाभांश पनि पाउने छन् ।
सिटिजन्स बैंकले बोनस सेयर वितरणपछि कायम हुन आउने चुक्ता पुँजीको २५ प्रतिशत हकप्रद सेयर समेत जारी गर्ने प्रस्ताव समेत गरेको छ । उक्त प्रस्ताव पारित गर्नका लागि बैंकले असोज १६ गते साधारणसभा बालाएको छ । साधारण सभा प्रयोजनका लागि असोज ६ देखि १६ गतेसम्म सेयरधनी दर्ता किताबसमेत बन्द गर्ने बैंकले जनाएको छ ।
