नेपाल राष्ट्र बैंकले आइतबार (आज) ५ अर्ब रुपैयाँ निक्षेप उठाएको छ । राष्ट्र बैंकले तरलता व्यवस्थापनका लागि बैंक तथा वित्तीय संस्थाहरुबाट उक्त निक्षेप बोलकबोलमार्फत उठाएको हो । उक्त निक्षेप आउँदो असोज ९ गते फिर्ता गर्ने केन्द्रीय बैंकले जारी गरेको सूचनामा उल्लेख गरिएको छ ।
व्याजदर करिडोर कार्यान्वयनमा आउनुअघि बैंक तथा वित्तीय संस्थाहरुको गरेको गोप्य शिलबन्दीका आधारमा व्याजदर तोकिने गरेकोमा कार्यान्वयनपछि व्याजदर समेत तोक्न थालेको छ । यो (आजको) निक्षेपमा २.००४८ प्रतिशत व्याजदर दिने राष्ट्र बैंकले जनाएको छ ।
