बैंकिङ खबर/ नेपाल राष्ट्र बैंकका गभर्नर महाप्रसाद अधिकारीले छोटो समयमा उठाइने आन्तरिक ऋणले बैंकिङ प्रणालीमा थप तरलता समस्या हुने बताएका छन्।
आइतबार संसदको लेखासमितिमा बोल्दै गभर्नर अधिकारीले आन्तरिक ऋण उठाउने बेला भएको भन्दै त्यसले समस्या निम्तन सक्ने बताए । उनका अनुसार चालु वर्ष ६ अर्ब रुपैयाँ आन्तरिक ऋण उठिसकेको छ। सरकारले २ खर्ब ५० अर्ब रुपैयाँ उठाउने लक्ष्य लिएको छ। यदि सरकारले सबै अर्थात बाँकी २ खर्ब ४४ अर्ब रुपैयाँ उठाए तरलतामा झन् दबाब पर्ने बताए।
उनले चालु वर्ष सरकारले राखेको सात प्रतिशतको आर्थिक वृद्धिको लक्ष्य हासिल गर्न चुनौतीपूर्ण रहेको बताए। उनले चालु वर्ष मूल्यवृद्धि बढ्ने देखिएको बताए। चालु वर्षको लक्ष्य साढे ६ प्रतिशत राखिएको छ।
