नेपाल स्टक एक्सचेन्जमा सोमबार एक करोड ४३ लाख कित्ता शेयर थपिएको छ । नेप्सेमा चार कम्पनीकोे बोनस र एक कम्पनीको हकप्रद शेयर थपिएको हो । सोमवार कुल १ करोड ४३ लाख ७८ हजार २ सय १४ कित्ता शेयर नेप्सेमा सूचिकृत भएको छ । सो दिन आईसीएफसी फाइनान्सको ४४ लाख ८३ हजार १ सय ७४ कित्ता, हिमालयन जनरलको ५ लाख ३५ हजार कित्ता, नमस्ते वित्तीय संस्थाको ६२ हजार ५ सय कित्ता र कालिञ्चोक डेभलपमेण्टको ६० हजार कित्ता बोनस शेयर सूचिकृत भएको छ । त्यसैगरी, एनआईसी एशियाको ९२ लाख ३७ हजार ५ सय ४० कित्ता हकप्रद शेयर सूचिकृत भएको छ । यसरी सूचिकृत भएको शेयर लगानीकर्ताको हितग्राही (डिम्याट) खातामा आउन भने केही दिन लाग्ने बताइएको छ ।
