सहारा बिकास बैंकले लगानीकर्तालाई एक बराबर १.५ को अनुपातमा अर्थात डेढ सय प्रतिशत हकप्रद दिने भएको छ । बैंकले १०० रुपैयाँ को दरमा ३ करोड ५४ लाख रुपैयाँ बराबरको ३ लाख ५४ हजार कित्ता शेयर जारी गर्न लागेको हो । बैंकले उक्त हकप्रद शेयर निष्काशन गर्न यसअघिनै धितोपत्र बोर्डबाट अनमति पाइसकेको छ । हकप्रद शेयर जारी गर्न लागेको बैंकको यहि भदौ २२ गते बुधबार शेयरधनी दर्ता पुस्तिका बन्द हुने बैंकले जानकारी दिएको छ ।
भदौ २१ गतेसम्म कायम सेयरधनीले हकप्रद भर्न पाउनेछन् । बैंकको शेयर निष्कासन तथा बिक्री प्रबन्धकमा ग्लोबल आइएमई क्यापिटल रहेको छ । हाल २ करोड रुपैयाँ चुक्तापुँजी रहेको बैंकको हकप्रद निष्काशन पश्चात चुक्तापुँजी ६ करोडको हाराहारीमा पुग्नेछ ।
नेपाल राष्ट्र बैंकले गत आर्थिक वर्षको मौद्रिक नीतिमा तीन जिल्ले विकास बैंकले ०७४ असारसम्म ५० करोड रुपैयाँ चुक्तापुँजी पुर्याउनै पर्ने नीति ल्याएको छ । जसका लागि बैंकले सहयोगी विकास बैंकसँग मर्जरमा जाने सम्झौता गरिसकेको छ ।
