बैंकिङ खबर/नबिल बैंकले आइतबार(आज)बाट ऋणपत्र जारी गरेको छ । बैंकले छिटोमा साउन १३ गतेसम्म ऋणपत्र बिक्री गर्ने छ भने ढिलोमा २४ गतेसम्म बिक्री गर्ने छ । बैंकले ८ प्रतिशत ब्याज दरको ३ अर्ब रुपैयाँ बराबरको ऋणपत्र जारी गरेको हो। यसको परिपक्व अवधि सात वर्षको हुने छ ।
यसअघि बैंकले जारी गरेको ऋणपत्र २०८२ सालमा परिपक्व हुँदैछ । यसको ब्याज १० प्रतिशत छ भने कुल २ अर्ब रुपैयाँको जारी गरेको थियो ।
यस्तै अंकित मूल्य १ हजार रुपैयाँ दरको ऋणपपत्र कम्तिमा २५ कित्ता खरिद गर्नुपर्ने छ । बढीमा सबै खरिद गर्न पाइने छ । बैंकले ३ अर्ब रुपैयाँ अर्थात् ३० लाख कित्तामध्ये १८ लाख कित्ता व्यक्तिगत तवरबाट बिक्री गर्ने छ । बाँकी सामूहिक लगानी कोषसहित सर्वसाधारणलाई बिक्री गर्ने बैंकले जनाएको छ ।
