बैंकिङ खबर । प्रभु लाइफ इन्स्योरेन्सको आइपिओ शुक्रबार बाँडफाँड हुने भएको छ । इन्स्योरेन्सको आईपीओमा करिब ११ लाख आवेदकले आवेदन दिएका थिए । जसको बाँडफाँड शुक्रबार गरिने बिक्री प्रबन्धक सिद्धार्थ क्यापिटलले जनाएको छ । आइपिओको प्रि–अलटमेन्ट बुधबार भएको छ । प्रि अलटमेन्ट भएपछि आगामी ३ दिन भित्र आईपीओ बाँडफाँड गर्नुपर्ने हुन्छ। इन्स्योरेन्सको आइपिओमा १० लाख ८२ हजार एक सय ४३ जना आवेदकले २ अर्ब ९२ करोड ८७ लाख ४३ हजार रुपैयाँ बराबरको २ करोड ९२ लाख ८७ हजार ४ सय ३० कित्ताको लागि आवेदन परेको छ । यो सर्वसाधारणका लागि माग गरिएको भन्दा ५.४२ गुणा धेरै हो ।
