बैंकिङ खबर । सानिमा बैंकलले पुुस १ गतेदेखि ऋणपत्र निष्कासन गर्ने भएको छ । बैंकले ४ अर्ब रुपैयाँ बराबरको १ हजार अंकित दरमा ४० लाख कित्ता ऋणपत्र निष्कासन गर्न लागेको हो । जसमध्येमा बैंकले १६ लाख सर्वसाधारणको लागि र बाँकी रहेको २४ लाख कित्ता व्यक्तिगत तवरबाट विक्री गर्नेछ । ऋणपत्र निष्कासन बन्द मिति छिटोमा पुस ५ र ढिलोमा पुस १५ गतेसम्म रहेको छ ।
न्यूनतम २५ कित्ता र अधिकतम १६ लाख कित्ताको लागि आवेदन गर्न मिल्ने कम्पनीले बताएकोे छ । कम्पनीले निष्कासन गर्ने ऋणपत्र १० वर्षसम्मको लागि वार्षिक ८ दशमलव ५ प्रतिशत ब्याजदर भएको उल्लेख गरेको छ । निष्कासन तथा विक्री प्रबन्धकमा एनआइसि एसिया क्यापिटल बैंकिङ रहेको छ साथै आवेदकले सि आस्वा सेवामा सहभागि बैंक तथा वित्तीय संस्था र तिनका शाखा कार्यालयहरुबाट आवेदन गर्न सक्नेछन् ।
साथै व्यक्तिगत तबरबाट विक्री गर्ने हकमा विक्री प्रबन्धकले बैंकसँगको सहमतिमा खरीदकर्ताहरु खोजी गरी आपसि सहमतीमा वितरण गर्ने कम्पनीले बताएको छ ।
