बैंकिङ खबर । यो साता नेपाल स्टक एक्सचेञ्ज (नेप्से) मा दुई कम्पनीको सेयर सूचिकृत भएको छ । निर्धन उत्थान लघुवित्त वित्तीय संस्था लिमिटेडको ३० लाख बोनस सेयर र लुम्बिनी जनरल इन्स्योरेन्स कम्पनी लिमिटेडको ८ लाख ५८ हजार सेयर नेप्सेमा सूचिकृत भएको हो । यस साता निर्धन उत्थान र लुम्बिनी जनरल कम्पनीले नेप्सेमा बोनस शेयर सूचिकृत गरेका हुन् । लुम्बिनी जनरको २०७७ असार २४ गते सम्पन्न १५ औं वार्षिक वार्षिक साधारण सभाबाट ८.१२५ प्रतिशत बोनस शेयर पारित भएको थियो भने निर्धन उत्थानको २०७६ पुस १३ गते सम्पन्न २१ औं वार्षिक साधारण सभाबाट चुक्ता पूँजीको २५ प्रतिशत बोनस अनुमोदन भएको थियो। उक्त बोनस साधारण सभाका लागि बुकक्लोज भएको अघिल्लो कारोबार दिनसम्म कायम लगानीकर्ताले मात्र पाउने हुनाले लुम्बिनी जनरलको २०७७ असार ७ गते र निर्धन उत्थानको २०७६ मंसिर २९ गतेसम्म नेप्सेमा कारोबार भई कायम रहेका शेयरधनीले मात्र पाउनेछन् ।
