Banking Khabar
ट्रेन्डिङ: वित्तीय अपराध जेन्जी पुस्ता अन्तर्राष्ट्रिय बैंकिङ भारतीय बैंकिङ हाइलाइट राष्ट्र बंक बैंक-वित्त इन्स्योरेन्स
लघुवित्त

मकवानपुरकोे बज्रबाराहीमा आशा लघुवित्तको सिपमूलक तालिम सम्पन्न

२०७६ पुष १६ गते


बैंकिङ खबर । आशा लघुवित्त वित्तीय संस्थाले ३ दिने सीप मूलक तालिम संचालन गरेको छ । वित्तीय संस्थाले शाखा कार्यालय बज्रबाराही मकवानपुरमा आबद्ध सदस्यहरु मध्ये ५५जना महिला सदस्यहरुलाई निःशुल्क रुपमा लुगा धुने सर्फ तथा साबुन बनाउने तालिम प्रदान गरेको हो । तालिम कार्यक्रमलाई उद्घाटन गर्दै शाखा कार्यालय बज्रबाराहीका शाखा प्रबन्धक सन्दीप महर्जनले यस्तो किसिमको कार्यक्रमले महिलाहरु लाई उद्यमशिल बन्न थप सहयोग पुग्ने बताउनुभयो । साथै यस कार्यक्रम पश्चात सदस्यहरुको लघु ब्यवसायमा बृद्धी भई यस क्षेत्रका विपन्न महिलाहरुको आर्थिक क्रियाकलापमा वृद्धि हुनुका साथै आत्म निर्भरता तर्फ उन्मुख हुन सहयोग पुग्ने विश्वास व्यक्त गर्नुभयो ।
उक्त कार्यक्रममा वित्तीय संस्थामा कार्यरत कल्याणी खरेलले प्रशिक्षण दिनुभएको थियो । उक्त तालिमबाट सहभागीहरुले कम लागतमा लुगाधुने सर्फ तथा साबुन बनाउने तरिका, बजारीकरण लगायतका सम्बन्धमा जानकारी हासिल गरेका थिए । हालै यस वित्तीय संस्थाले विभिन्न शाखा कार्यालयहरु मार्फत झण्डै २,०१० जना विपन्न महिलाहरुलाई यस प्रकारका सीप मूलक तालिमहरु प्रदान गरिसकेको छ ।
वित्तीय संस्थाका प्रमुख कार्यकारी अधिकृत बद्री प्रसाद दुलालले यस्ता सीप मूलक तालिमहरु सम्पूर्ण शाखा कार्यालयहरुबाट संचालन गरी सदस्यहरुको सीप अभिवृद्धि गरी आत्म निर्भरतातर्फ उन्मुख गराउन वित्तीय संस्था क्रियाशील रहने विचार व्यक्त गर्नुभयो ।
नेपाल राष्ट्र बैंकबाट‘घ’वर्गको राष्ट्रियस्तरको वित्तीय संस्थाका रुपमा स्वीकृतीप्राप्त आशा लघुवित्त वित्तीय संस्थाले ‘‘बिपन्न समुदायका निम्ति आशा” भन्ने मुल नाराका साथ ककनी – ६ नुवाकोटमा केन्द्रीय कार्यालय स्थापना गरी २०७३ भाद्र १५ गतेबाट कारोबार शुरु गरेको हो । हालसम्म वित्तीय संस्थाले २९वटा जिल्लाहरुका ५५ शाखा कार्यालयहरु मार्फत करीब ५१ हजार भन्दा बढी सदस्यहरुलाई वित्तीय सेवा उपलब्ध गराउँदै आएको छ । संस्थाको हालसम्म करीब रु. २ अर्ब १६ करोड कर्जा लगानीमा रहेको तथा सदस्यहरुबाट ६२करोड भन्दा बढी निक्षेप संकलन गरेको छ ।

Ad