बैंकिङ खबर । एनआईसी एशिया ग्रोथ फण्डका ईकाइधनीहरुले १० प्रतिशत (करसहित)का दरले हुन आउने आठ करोड ३५ लाख २० हजार रुपैयाँ नगद लाभांश पाउने भएका छन् । एनआईसी एशिया क्यापिटल लिमिटेडको शुक्रबार बसेको संचालक समितिको ६१औँ वैठकले आर्थिक वर्ष २०७५।७६ का लागि नगद लाभांश वितरण गर्ने निर्णय गरेको हो ।
एनआईसी एशिया ग्रोथ फण्ड एनआईसी एशिया बैंक म्युचुअल फण्ड अन्तर्गत संचालित पहिलो योजना हो । दोस्रो योजना एनआईसी एशिया ब्यालेन्स्ड फण्डको १० रुपैयाँ दरका १२ करोड ५० लाख ईकाई गत बुधबारदेखि निष्काशन तथा विक्री खुला गरेको छ ।
