बैंकिङ खबर। शेयर लगानीकर्ता दबाब समूहले नेपाल धितोपत्र बोर्डको कार्यालयमा आइतबार तालाबन्दी गरेको छ । समुहले लगानीकर्ताले राखेका पूँजी बजार सुधारका ३२ बुँदे माग सम्बोधन नगरेको भन्दै तालाबन्दी गरेको हो ।
दबाब समूहका अध्यक्ष हरि ढकालले धितोपत्र बोर्ड पूँजी बजारको सुधार र बिस्तारका लागि गैर जिम्मेवार भएकाले दबाब दिन तालबन्दी गर्नुपरेको बताएका छन् ।
लगानीकर्ताहरुले बोर्डका अध्यक्ष डा. रेबत बहादुर कार्की र कार्यकारी निर्देशक निरज गिरीको घर घेर्ने कार्यक्रम तय गरेको तर आफ्नो पूर्वनिर्धारित कार्यक्रम परिवर्तन गरी बोर्डको कार्यालयमा तालाबन्दी गरेको हो ।
बोर्डले लगानी सम्मेलन नजिकिएको भन्दै शेयर बाजरमा लगानीकर्तालाई आन्दोलन तथा विरोधका कार्यक्रम नगर्न आग्रह गरेपनि आइतबार शेयर लगानीकर्ता दबाब समूहले कार्यलयमा ताला लगाएका हुन् ।
