बैंकिङ खबर । नेपाल धितोपत्र बोर्डले ओपल सेक्युरिटिज इन्भेष्टमेन्टलाई कारोबारमा रोक लगाएको छ । बोर्डले वार्षिक हिसाब तथा विवरण पेश नगरेको भन्दै कारोबारमा रोक लगाउन नेपाल स्टक एक्सचेन्जलाई पत्र पठाएको हो ।
बोर्डले धितोपत्र सम्वन्धी ऐन २०६३को दफा ८२ तथा धितोपत्र व्यवसायी नियमावली २०६४को नियम ३५(१) बमोजिम असोज मसान्तभित्र पेश गर्नुपर्ने वार्षिक हिसाब पेश नगरेको जनाएको छ । तीस दिन म्याद थप हुँदा समेत विवरण पेश नगरेपछि बोर्डले सात दिनका लागि कारोबारमा रोक लगाएको हो ।
सात दिनभित्र विवरण पेश नभए कारोबार निरन्तर रोक लगाइने बोर्डले जनाएको छ ।
