गण्डकी विकास बैंकको सञ्चालक समितिले आ.व.२०७३।०७४ सम्मको संचित मुनाफाबाट चुक्ता पुजींको १९ः३१ प्रतिशत बोनस सेयर वितरण गर्ने निर्णय नेपाल राष्ट्र बैंकबाट स्विकृत भएको छ । प्रस्तावित बोनस सेयर बैंकको यस पश्चात बस्ने बार्षिक साधारणबाट पारित भएपछि लागु हुनेछ ।
नेपाल राष्ट्र बैंकको निर्देशन बमोजिम राष्ट्रियस्तरको विकास बैंकले न्युनतम रु.२ अर्व ५० करोड चुक्तापुंजी पुर्याउनु पर्नेमा बोनस सेयर पश्चात बैंकको चुक्ता पुजीं रु.२ अर्व ७५ करोड रुपैयाँ पुग्नेछ । चुक्ता पुजींको आधारमा गण्डकी विकास बैंक नेपालको विकास बैंकमध्ये सबैभन्दा ठुलो बिकास बंैक हुनेछ । न्युनतम चुक्तापुँजी पूरयाउन बैंकले यस अगावै २५ प्रतिशत हकप्रद सेयर निश्काशन गरेको थियो र हकप्रदमा जम्मा नभएको बाँकी सेयर समेत लिलाम विक्री भई बाँडफाँड समेत भइसकेको छ ।
बंैंकले हाल ५१ वटा शाखा कार्यालायहरुबाट पूर्ण बैंकिङ्ग सेवा प्रदान गर्दै आएको छ । थप २६ वटा शाखाहरु नेपाल राष्ट्र बैंकबाट स्विकृती लिई कार्यालय निर्माणको प्रकृयामा रहेको छ । यसै आ.व. भित्र नै निर्माणाधीन सम्पूर्ण शाखाहरु सञ्चालनमा आउने बैंकले जानकारी दिएको छ । यस पश्चात बैंकको कुल शाखा ७७ वटा पुग्नेछ । यी शाखाहरु स्थापना पश्चात बैंकको सेवा सातै प्रदेशबाट विस्तार हुनेछ । नेपालको पूर्वीभाग ताप्लेजुङ ,सुदुरपश्चिमको महेन्द्रनगर तथा हिमालपारिका जिल्लाहरु मुस्ताङ र मनाङबाट पनि कारोबार सञ्चालन भैराखेको र केहि शाखाहरु सञ्चालनको प्रकृयामा रहेका छन् । बैंकले सम्पूर्ण शाखाहरुबाट पूर्ण बैंकिङ्ग : निक्षेप, कर्जा एबिबिएस, मोबाइल बैंकिङ, एटिएम, रेमिट्यान्स, सिआस्वा जस्ता सुविधाहरु प्रदान गर्दै आईरहेको छ ।
एउटा शाखामा खाताखोली कारोबार गरेको ग््राहकहरुले अन्य शाखाहरुबाट सजिलै कारोबार गर्न सक्नेछन् । आगामी दिनहरुमा पनि बैंकले बैंकिङ्ग सेवाहरुलाई थप विविधिकरण र बिशिष्टिकरण गर्दै लैजाने छ ।
