काबेली विकास बैंक लिमिटेडले ५० प्रतिशत अर्थात दुई बराबर एकको अनुपातमा हकप्रद सेयर निष्काशन गर्ने भएको छ । बैंकलाई हकप्रद निष्काशनका लागि नेपाल धितोपत्र बोर्डले आइतबार (असार १८ गते) अनुमति दिएको हो ।
काबेलीले एक सय रुपैयाँ अंकित मूल्यमा तीन करोड ५० लाख ८८ हजार रुपैयाँ बराबरको तीन लाख ५० हजार आठ सय ८० कित्ता हकप्रद जारी गर्नेछ । यसका लागि बैंकले सेयर निष्काशन तथा विक्री प्रबन्धकमा ग्लोबल आईएमई क्यापिटल लिमिटेडलाई नियुक्त गरेको छ ।
हाल काबेली विकास बैंकको चुक्तापुँजी सात करोड एक लाख ७६ हजा। एक सय रुपैयाँ रहेको छ । ५० प्रतिशत हकप्रद जारी गरेपछि बैंकको चुक्तापुँजी १० करोड ५२ लाख ६४ हजार रुपैयाँ पुग्नेछ ।
