माउन्ट कैलाश इनर्जि कम्पनी लिमिटेडले सर्वसाधारणका लागि २२ लाख ५० हजार कित्ता सेयर निष्काशन गर्ने भएको छ । कम्पनीले एक सय रुपैयाँ अंकित मूल्यमा २२ करोड ५० लाख रुपैयाँ बराबरको सेयर जारी गर्न लागेको हो ।
उक्त सेयर निष्काशनका लागि कम्पनीले सेयर निष्काशन तथा विक्री प्रबन्धकमा एनआईबिएल क्यापिटल मार्केट्स लिमिटेडलाई गरेको छ । माउन्ट कैलाश इनर्जिको तर्फबाट कार्यकारी अध्यक्ष भरत कुमार खड्का र एनआईबिएलको कार्यकारी प्रमुख शिभन्त बहादुर पाण्डेले विक्री प्रबन्धक नियुक्त गर्नेसम्बन्धी सम्झौतापत्रमा हस्ताक्षर गरेका छन् ।
कम्पनीले मुस्ताङ जिल्लाको टुकुचे गाविसमा १३ दशमलव ६ मेगावाटको थापा खोला जलविद्युत आयोजना निमार्ण गर्दैछ ।
