कामना विकास बैंक लिमिटेडले १० बराबर तीनको अनुपातमा हकप्रद सेयर निष्काशन गर्ने अनुमति पाएको छ । नेपाल धितोपत्र बोर्डले बैंकलाई विहीबार (जेठ १८ गते) हकप्रद निष्काशनको लागि स्वीकृति प्रदान गरेको हो ।
कामनाले एक सय रुपैयाँ अंकित मूल्यमा २४ करोड १३ लाख १३ हजार सात सय ६० रुपैयाँ बराबरको २४ लाख १३ हजार एक सय ३७ दशमलव ६० कित्ता हकप्रद सेयर निष्काशन गर्नेछ । यसका लागि बैंकले सेयर निष्काशन तथा विक्री प्रबन्धकमा एनआईबिएल क्यापिटल मार्केट लिमिटेडलाई सेयर निष्काशन तथा विक्री प्रबन्धकमा नियुक्त गरेको छ ।
हाल कामना विकास बैंकको चुक्तापुँजी ८० करोड ४३ लाख ७९ हजार चार सय रुपैयाँ रहेकोम छ । हकप्रद सेयर जारी गरेपछि बैंकको चुक्तापुँजी एक अर्ब चार करोड ५६ लाख नौ सय ३१ रुपैयाँ पुग्दैछ ।
पुँजीवृद्धिका लागि कामना विकास बैंक र सेवा विकास बैंक एकआपसमा गाभिएर कामना सेवा विकास बैंक बन्दैछन् ।
