मंगलबार दोहोरो अंकले बढेको सेयर बजार बुधबार सामान्य ३.०१ अंकको वृद्धिसँगै १६२९.५२ अंकमा पुगेर बन्द भएको छ । होटल समूह १५.१ अंकले घटेको छ भने बाँकी सबै समूहहरु बढेका छन् । सबैभन्दा धेरै बीमा समूह २०.७३ अंकले बढेको छ । बैंकिङ, विकास बैंक, जलविद्युत्, फाइनान्स, उत्पादनमूक र अन्य समूह क्रमशः २.४१, ३.८६, ३.५४, १.५, ७.०७ र २.६ अंकले बढेका छन् ।
कारोबार रकम मंगलबारको तुलनामा १० करोडभन्दा बढीले घटेको छ । मंगलबार ७८ करोड ६६ लाख रुपैयाँको कारोबार भएकोम बजारमा बुधबार ६८ करोड ५० लाख १६ हजार पाँच सय ६३ रुपैयाँको कारोबार भएको छ । दिनभरिमा १४७ वटा कम्पनीको १३ लाख ५० हजार ६२ कित्ता सेयर छ हजार तीन सय ४९ पटक खरिदविक्री हुँदा सो कारोबार भएको हो ।
ललितपूर फाइनान्सको प्रोमोटर सेयरको सबैभन्दा धेरै पाँच करोड २८ लाख ५८ हजार १५ रुपैयाँको कारोबार भएको छ । सिद्धार्थ बैंकको चार करोड ८५ लाख रुपैयाँको कारोबार भएको छ भने हिमालयन जनरल इन्स्योरेन्सको पनि चार करोडमाथिको सेयर कारोबार भएको छ । त्यस्तै, स्टान्डर्ड चार्टर्ड बैंकको तीन करोड तथा नेपाल लाइफ इन्स्योरेन्स र मेरो माइक्रोफाइनान्सको दुई करोडमाथिको कारोबार भएको छ भने बोटलर्स नेपाल, प्रभु बैंक, माछापूछ्रे बैंक, नेपाल इन्स्योरेन्स लगायतको एक करोडमाथिको कारोबार भएको छ ।
आरएसडीसी घुवित्तका सेयरधनीले सबैभन्दा धेरै ९.९४ प्रतिशतका दरले आफ्नो सम्पत्ति बढाउँदा हिमालयन डिस्टीलरीका सेयरधनीले ९.९२ प्रतिशतका दरले कमाएका छन् । नेशनल माइक्रोफाइनान्स र सिनर्जी फाइनान्सका सेयरधनीले क्रमशः ५.८९ र ५.२९ प्रतिशतका दरले कमाएका छन् । नयाँ नेपाल लघुवित्त, ङादी ग्रुप पावर, मिर्मिरे माइक्रोफाइनान्स, शिखर इन्स्योरेन्स, एनसीसी बैंक, शाइन रेसुंगा डेभलपमेन्ट बैंक लगायतका सेयरधनीले पनि कमाएका छन् ।
गुमाउने कम्पनीहरुको अग्रस्थानमा रहेको बरुण हाइड्रोपावरका सेयरधनीले ५.८४४२ प्रतिशतका दरले आफ्नो सम्पत्ति घटाएका छन् भने अरुण फाइनान्स र श्री इन्भेष्टमेन्ट फाइनान्सका सेयरधनीले क्रमशः ५.७१४३ र ५ प्रतिशतका दरले गुमाएका छन् । सिनर्जी पावर, सप्तकोसी डेभलपमेन्ट बैंक, मेरो माइक्रोफाइनान्स, एनबि इन्स्योरेन्स, बोटलर्स नेपाल, लक्ष्मी भ्यालु फण्ड, प्रोग्रेसिभ फाइनान्स लगायतका सेयरधनीले पनि गुमाएका छन् ।
