सप्तकोसी डेभलमपेन्ट बैंक लिमिटेडले एक बराबर एक दशमलव तीनको अनुपातमा हकप्रद सेयर निष्काशन गर्ने भएको छ । हकप्रद निष्काशनको अनुमति माग गर्दै बैंकले नेपाल धितोपत्र बोर्डमा निवेदन दिएको छ । बैंकले बोर्डमा वैशाख १४ गते निवेदन दिएको हो ।
सप्तकोसीले एक सय रुपैयाँ अंकित मूल्यमा २७ करोड ४३ लाख रुपैयाँ बराबरको २७ लाख ४३ हजार कित्ता हकप्रद सेयर निष्काशन गर्नेछ । हकप्रद निष्काशनका लागि बैंकले एनएमबि क्यापिटल लिमिटेडलाई नियुक्त गरेको छ ।
गत पुस २४ गतेदेखि फागुन १ गतेसम्म १० लाख कित्ता हकप्रद सेयर निष्काशन गरेको थियो । हाल सप्तकोसी डेभलपमेन्ट बैंकको चुक्तापुँजी २१ करोड १० लाख रुपैयाँ रहेको छ ।
