आइतबार नेपाल स्टक एक्सचेञ्जमा ६६ लाख ६२ हजार छ सय ६६ कित्ता सेयर सूचिकृत भएका छन् । तीन वटा फाइनान्स र एउटा माइक्रोफाइनान्स कम्पनीले नेप्सेमा सेयर सूचिकृत गराएका हुन् ।
गोर्खा विकास बैंक र काठमाडौँ फाइनान्स गाभिएर बनेको गोरखा फाइनान्सले ५७ लाख ८६ हजार छ सय २५ कित्ता सेयर नेप्सेमा सूचिकृत गराएको छ । त्यस्तै, जानकी फाइनान्स लिमिटेडको तीन लाख १० हजार सात सय ८१ कित्ता बोनस सेयर, महिला सहयात्रा माइक्रोफाइनान्स वित्तीय संस्था लिमिटेडको एक लाख १० हजार कित्ता बोनस सेयर र पश्चिमाञ्चल फाइनान्स कम्पनी लिमिटेडको चार लाख ५५ हजार दुई सय ६० कित्ता बोनस सेयर पनि आइतबार नै नेप्सेमा सूचिकृत भएका छन् ।
