छ्याङ्दी हाइड्रोपावर लिमिटेडले पाँच लाख ४० हजार कित्ता साधारण सेयर निष्काशन गर्ने भएको छ । कम्पनीले सेयर निष्काशनको अनुमति माग गर्दै नेपाल धितोपत्र बोर्डमा निवेदन दिएको छ । छ्याङ्दीले गत फागुन १२ गते बोर्डमा निवेदन दिएको हो ।
छ्याङ्दीले आयोजना प्रभावितका लागि एक सय रुपैयाँ अंकित मूल्यमा पाँच करोड ४० लाख रुपैयाँ बराबरको सेयर जारी गर्न लागेको हो । कम्पनीको सेयर निष्काशन तथा विक्री प्रबन्धकमा ग्लोबल आईएमई क्यापिटल लिमिटेड रहेको छ ।
कम्पनीले गत पुस २० गतेदेखि माघ ५ गतेसम्म दुई लाख ७० हजार कित्ता सेयर आयोजना प्रभावितका लागि जारी गरेको थियो । गत फागुन ९ गते उक्त सेयरको बाँडफाँड भएको थियो ।
