निजी क्षेत्रको निर्जीवन बीमा कम्पनी शिखर इन्स्योरेन्स कम्पनिले चालु आर्थिक वर्ष २०७३७४ को दोस्रो त्रैमासमा १८ करोड एक लाख रुपैयाँ खुद मुनाफा आर्जन गरेको छ । कम्पनीले गत आर्थिक वर्षको सोही अवधिको तुलनामा ७८ दशमलव ०५ प्रतिशतले बढी नाफा कमाएको हो । गत आर्थिक वर्षको दोस्रो त्रैमासमा कम्पनीले १० करोड ११ लाख रुपैयाँ मुनाफा कमाएको थियो ।
८१ करोड ७६ लाख रुपैयाँ चुक्ता पुँजी भएको शिखर इन्स्योरेन्सले जगेडा कोषमा २० करोड ३२ लाख रुपैयाँ राखेको छ, । त्यस्तै कम्पनीको बीमाकोषमा ५३ दशमलव ८० प्रतिशतले वृद्धि गरेर ५४ करोड ८४ लाख रुपैयाँ पुगेको छ ।
शिखर इन्स्योरेन्सले आम्दानीमा ७७ दशमलव ५८ प्रतिशतले वृद्धि गरी २९ करोड ४९ लाख रुपैयाँ पुर्याएको छ । बीमा शुल्क (खुद) आम्दानी ७५ करोड ८३ लाख रुपैयाँ पुगेको छ भने कुल १ अर्ब ३३ करोड ९९ लाख रुपैयाँ बीमा शुल्क आर्जन गरेको छ । त्यस्तै खर्चमा ७६ दशमलव ८४ प्रतिशतले बढेर ११ करोड ४७ लाख रुपैयाँँ पुगेको छ । दाबी भुक्तानी (खुद) १९ करोड ६७ लाख रुपैयाँ पुगेको छ भने कुल ५८ करोड ७ लाख रुपैयाँ बराबरको कुल दाबी भुक्तानी गरेको छ ।
शिखर इन्स्योरेन्सको जारी बीमालेख संख्या १ लाख ३२ हजार ८ सय १६ वटा रहेको छ भने कुल दाबी भुक्तानी संख्या २ हजार ७ सय ६२ वटा रहेको छ ।
शिखर इन्स्योरेन्सको दोस्रो त्रैमास अनुसार प्रतिसेयर आम्दानी वार्षिकीकरण ४४ दशमलव ०६ रुपैयाँ, मूल्य आम्दानीको अनुपात ४८ दशमलव ०८ गुणा र प्रतिसेयर नेटवर्थ १ सय ९६ दशमलव १३ रुपैयाँ रहेको छ ।
