बैंकिङ खबर / नेपाल राष्ट्र बैंकले अनिवार्य नगद मौज्दात कायम नगरेको भन्दै दुई लघुवित्त वित्तीय संस्थालाई नगद जरिवाना गरेको छ ।
राष्ट्र बैंकका अनुसार एक लघुवित्त वित्तीय संस्थालाई २०८२ चैत महिनामा अनिवार्य नगद मौज्दात कायम नगरेको भन्दै पहिलो पटकका लागि ५८ रुपैयाँ ३८ पैसा जरिवाना गरिएको छ ।
त्यसैगरी, सञ्जीवनी लघुवित्त वित्तीय संस्था लिमिटेडलाई पनि अनिवार्य नगद मौज्दात कायम नगरेको भन्दै पटकअनुसार जरिवाना गरिएको छ । संस्थाले २०८२ चैतमा पहिलो पटक नियम उल्लंघन गरेकाले ७१३ रुपैयाँ ८८ पैसा, २०८३ वैशाखमा दोस्रो पटक १ हजार ६७ रुपैयाँ ४० पैसा, जेठमा तेस्रो पटक १ हजार ४१२ रुपैयाँ ९१ पैसा र असारमा चौथो पटक १ हजार ४१० रुपैयाँ ७८ पैसा जरिवाना तिर्नुपर्ने भएको छ ।
केन्द्रीय बैंकले बैंक तथा वित्तीय संस्थाले नियामकीय व्यवस्था बमोजिम अनिवार्य नगद मौज्दात कायम गर्नुपर्ने व्यवस्था गरेको छ । तोकिएको मौज्दात कायम नगरेमा उल्लंघनको पटकअनुसार नगद जरिवाना गर्ने व्यवस्था रहेको छ ।
