बैंकिङ खबर / प्रभु बैंकका कर्मचारी, उनीहरूका परिवारजन तथा बैंकका डेबिट र क्रेडिट कार्डबाहकले मारुती सुजुकीका विभिन्न मोडलका गाडी खरिद गर्दा १ लाख ७५ हजार रुपैयाँसम्म नगद छुट पाउने भएका छन् । यसका लागि प्रभु बैंक र मारुती सुजुकीका आधिकारिक विक्रेता न्यान्सी अटोमोबाइल्स प्रालिबीच विशेष छुट तथा सेवा सुविधा उपलब्ध गराउने सम्बन्धी सम्झौता भएको छ । सम्झौताले बैंकसँग आबद्ध कर्मचारी तथा कार्ड प्रयोगकर्तालाई सवारीसाधन खरिदमा थप सुविधा उपलब्ध गराउने व्यवस्था गरेको हो ।
सम्झौताअनुसार प्रभु बैंकका कर्मचारी तथा उनीहरूका परिवारजनसँगै बैंकका डेबिट तथा क्रेडिट कार्डबाहकले न्यान्सी अटोमोबाइल्सबाट मारुती सुजुकीका विभिन्न मोडलका गाडी खरिद गर्दा मोडलअनुसार नगद छुट प्राप्त गर्नेछन् । यस्तो छुट अधिकतम १ लाख ७५ हजार रुपैयाँसम्म रहनेछ ।
बैंक र अटोमोबाइल्स कम्पनीबीच भएको उक्त सम्झौताले बैंकका ग्राहकलाई सवारीसाधन खरिद गर्दा थप आर्थिक सुविधा प्राप्त गर्ने अवसर प्रदान गर्ने अपेक्षा गरिएको छ । बैंकले आफ्ना ग्राहक तथा कर्मचारीलाई विभिन्न वस्तु तथा सेवामा विशेष सुविधा उपलब्ध गराउने उद्देश्यले विभिन्न व्यावसायिक संस्थासँग सहकार्य गर्दै आएको जनाएको छ । सम्झौतापत्रमा न्यान्सी अटोमोबाइल्सका प्रबन्ध निर्देशक मधुकर शाह र प्रभु बैंकका सम्बन्धित विभागका प्रमुख लेखबहादुर पुनले हस्ताक्षर गरेका छन् । सम्झौता ७ सेप्टेम्बर २०२६ देखि लागू भई ६ सेप्टेम्बर २०२७ सम्म कायम रहनेछ ।
मारुती सुजुकीका विभिन्न मोडलका गाडी खरिद गर्न इच्छुक प्रभु बैंकका कर्मचारी, परिवारजन तथा डेबिट–क्रेडिट कार्डबाहकले सम्झौतामा तोकिएको अवधिभित्र न्यान्सी अटोमोबाइल्सबाट उपलब्ध हुने छुट सुविधा लिन सक्नेछन् । प्रभु बैंकले पछिल्लो समय आफ्ना ग्राहकलाई बैंकिङ सेवासँगै विभिन्न गैर–बैंकिङ सेवा तथा सुविधा उपलब्ध गराउनेतर्फ पनि जोड दिँदै आएको छ । ग्राहकको दैनिक आवश्यकता र कारोबारसँग सम्बन्धित सेवामा थप सुविधा उपलब्ध गराउने उद्देश्यले बैंकले विभिन्न कम्पनी तथा सेवा प्रदायकसँग सहकार्य गर्दै आएको छ ।
हाल प्रभु बैंकले देशभर ३०० शाखा कार्यालय, २६२ एटीएम तथा ६६ एक्सटेन्सन काउन्टरमार्फत करिब ३८ लाखभन्दा बढी ग्राहकलाई बैंकिङ तथा वित्तीय सेवा प्रदान गर्दै आएको छ । बैंकले ‘विश्वास लिन्छौं, विश्वास दिन्छौं’ भन्ने नाराका साथ ग्राहकलाई गुणस्तरीय बैंकिङ सेवा उपलब्ध गराउँदै आएको जनाएको छ ।
