बैंक अफ काठमाण्डू लुम्बिनीले ६२ लाख आठ हजार एक सय ३२ कित्ता थप नयाँ सेयर निष्काशन गरेको भएको छ । बैंकले संस्थापक र साधारण सेयरधनीको सेयर स्वामीत्व अनुपात ५१ः४९ कायम सो अनुपातमा संस्थापक सेयर थप गर्न लागेको हो । हाल यो बैंकमा संस्थापकहरुको हिस्सा ४६ प्रतिशत छ । संस्थापक सेयर कम्तिमा ५१ प्रतिशत हुनुपर्ने नियामक नेपाल राष्ट्र बैंकको प्रावधान छ ।
यसबाहेक बैंकले २३ प्रतिशत बोनस सेयर समेत जारी गर्दैछ । हाल बैंकको चुक्ता पुँजी ४ अर्ब ६३ करोड रुपैयाँ छ । बोनस सेयर वितरण गरेपछि बैंकको पुँजी ५ अर्ब ६२ करोड रुपैयाँ हुनेछ । आगामी असार मसान्तसम्ममा बैंकले आठ अर्ब चुक्तापुँजी पुर्याउनुपर्नेछ । एफपिओ जारी गरेर पनि नपुगेको पुँजी चालू आर्थिक वर्षको कमाईबाट बोनस जारी गरेर पुर्याउने योजना बैंक अफ काठमण्डू लुम्बिनीको छ ।
