सिटिजन्स बैंक इन्टरनेशनलले २५ प्रतिशत अर्थात १० बराबर २.५ को अनुपातमा हकप्रद निष्काशन गर्ने भएको छ । हकप्रद निष्काशनका लागि अनुमति माग गर्दै बैंकले नेपाल धितोपत्र बोर्डमा आवेदन दर्ता गराएको छ । बैंकले हकप्रद सेयर निष्काशन गर्न विवरणपत्र तयार गरी गत विहीबार (पुस १४ गते) धितोपत्र बोर्डमा आवेदन दिएको हो । बैंकको दशौं वार्षिक साधारण सभावाट निर्णय भएको उक्त हकप्रद नेपाल राष्ट्र बैंकबाट स्वीकृत भइसकेको छ ।
सर्वसाधारण लगानीकर्ताहरुको सुविधाको लागि बैंकले आफना ५८ वटा शाखाहरुवाट डिम्याट खाता खोल्ने सुविधा प्रदान गर्दै आएको छ । आगामी माघ १ गते देखि सार्वजनिक निष्काशन भएका धितोपत्रहरु खरिद गर्न सक्ने व्यवस्थाको लागि आस्बा प्रणालीको सेवा समेत प्रदान गर्ने बैंकका प्रवक्ता गणेशराज पोखरेलले जानकारी दिए ।
