नेपाल राष्ट्र बैंकले यो साता २५ करोड रुपैयाँ बराबरको रिभर्स रिपो जारी गर्ने भएको छ । वित्तीय प्रणालीमा तरलता सन्तुलन कायम गर्नका लागि राष्ट्र बैंक अन्तर्गत राष्ट्र ऋण व्यवस्थापन विभागले बुधबार रिभर्स रिपो जारी गर्न लागेको छ । बैंक तथा वित्तीय संस्थामा रहेको तरलता प्रशोचन गर्नका लागि राष्ट्र बैंकले रिभर्स रिपो जारी गर्ने गर्दछ ।
राष्ट्र बैंकले यो पटक जारी गर्न लागेको रिभर्स रिपो सात दिने अवधिको हो, जुन पुस २० गते परिपक्व हुनेछ । रिभर्स रिपो अनलाइन बोलकबोलका आधारमा विक्री गरिने राष्ट्र बैंकले जनाएको छ । बोलकबोलमा राष्ट्र बैंकबाट क, ख र ग वर्गको इजाजतप्राप्त वित्तीय संस्थाहरुले भाग लिन पाउनेछन् ।
