बैंकहरुको निष्क्रिय कर्जा ५ प्रतिशतमाथि

बैंकिङ खबर/ वाणिज्य बैंकहरुको खुद निष्क्रिय कर्जा अनुपात (नेट एनपीएल) बढ्दै गएको छ । २०८१ असार मसान्तसम्म वाणिज्य बैंकहरुको एनपीएल ३.७६ प्रतिशत र नेट एनपीएल १.०६ प्रतिशत थियो ।

चालु आवको तेस्रो त्रैमास अर्थात् चैत मसान्तसम्म आउँदा त्यो एनपीएल ५.०५ प्रतिशत पुगेको छ, खुद निष्क्रीय कर्जा अनुपात पनि १.६६ प्रतिशत पुगेको छ । हाल नेपालमा २० वाणिज्य बैंक सञ्चालनमा छन् । राष्ट्र बैंकले हालै सार्वजनिक गरेको तथ्यांकले उनीहरुको नेट एनपीएल १.६६ प्रतिशत देखाएको हो ।

चालु आवको पहिलो त्रैमासमा एनपीएल ४.२८ प्रतिशत र नेट एनपीएल १.४८ प्रतिशत थियो । दोस्रो त्रैमासमा त्यो थप बढेर एनपीएल ४.७३ प्रतिशत र नेट एनपीएल १.५८ प्रतिशत थियो । पछिल्लो समय कायम आर्थिक शिथिलताले कर्जा असुली प्रभावित भएपछि बैंकहरुमा खराव कर्जा अनुपात अर्थात् एनपीएल बढ्दै गएको छ ।

निष्क्रीय कर्जा अनुपात र खुद निष्क्रीय कर्जा अनुपात जति कम हुन्छ, त्यति नै राम्रो मानिन्छ । तथ्यांकअनुसार सबैभन्दा कम खुद निष्क्रिय कर्जा एभरेष्ट बैंकको छ । उक्त बैंकको खुद निष्क्रिय कर्जा ०।२४ प्रतिशत मात्रै छ ।

दोस्रो नम्बरमा भने स्ट्यान्डर्ड चार्टर्ड बैंक रहेको छ, समिक्षा अवधीमा उक्त बैंकको खुद निष्क्रीय कर्जा ०.२५ प्रतिशत छ । तेस्रो स्थानमा भने राष्ट्रिय वाणिज्य बैंक रहेको छ । समिक्षा अवधीमा उक्त बैंकको खुद निष्क्रीय कर्जा अनुपात १.४१ प्रतिशत छ ।

समीक्षा अवधीमा सबैभन्दा धेरै खुद निष्क्रिय कर्जा अनुपात भने सिटीजन्स बैंकको छ । उक्त बैंकमा कुल निष्क्रिय कर्जा अनुपात ५.७१ प्रतिशत हुँदा खुद निष्क्रिय कर्जा अनुपात भने २.१७ प्रतिशतमा कायम भएको छ । अन्य बैंकको तुलनामा सिटीजन्स बैंकले प्रवाह गरेको कर्जामा धेरै जोखिम भएको देखिन्छ ।

यस्तै, प्रभु बैंकको २.१६ प्रतिशत, लक्ष्मी सनराइज बैंकको २.०७ प्रतिशत, एनएमबी बैंकको २.०२ प्रतिशत, कुमारी बैंकको १.९३ प्रतिशत, एनआईसी एसिया बैंकको १.९२ प्रतिशत र नेपाल एसबीआई बैंकको १.८८ प्रतिशत खुद निष्क्रीय कर्जा अनुपात रहेको छ ।

यस्तै, हिमालयन बैंकको १.७९ प्रतिशत, माछापुच्छ्रे बैंकको १.७६ प्रतिशत, नेपाल बैंकको १.७५ प्रतिशत, ग्लोबल आईएमई बैंकको १.७१ प्रतिशत, सिद्धार्थ बैंकको १.६६ प्रतिशत र कृषि विकास बैंकको १.६६ प्रतिशत नै खुद निष्क्रीय कर्जा अनुपात रहेको छ ।

यस्तै, सानिमा बैंकको १.६० प्रतिशत, नेपाल इन्भेष्टमेन्ट मेगा बैंकको १.५३ प्रतिशत र प्राइम कर्मशिलय बैंकको १.४७ प्रतिशत खुद निष्क्रीय कर्जा अनुपात रहेको छ ।

कुन बैंकमा कति छ एनपीएल र नेट एनपीएल ?